जोरदार वारं अन् झाकलेला पुतळा खुला झाला, छत्रपतींचा निसर्गाने असा केला सन्मान

एकीकडे राज्यभरात शिवजयंतीचं वातावरण असताना या गावातील शिवप्रेमी मात्र शिवरायांचा झाकलेला पुतळा पाहून नाराज होते. शिवजयंतीच्या निमित्तानं तरी हा पुतळा खुला केला जाईल, अशी त्यांना अपेक्षा होती, परंतु ते निराशच होते...शिवप्रेमींची अवस्था बहुधा निसर्गालाच बघवली नसावी. गावकऱ्यांच्या शिवरायांवरील निस्मिम भक्तीची दखल अखेर निसर्गानं घेतली...सोमवारी रात्री अचानक जोराचा वारा सुटला..या वाऱ्यामुळं शिवरायांच्या झाकलेल्या पुतळ्याचा काही भाग खुला झाला. शिवरायांची तलवार आणि चेहरा दिसू लागलाय.