वैष्णवीच्या सुखासाठी सगळं काही दिलं, हगवणे कुटुंबीयांच्या हावरटपणाचा नवीन व्हिडिओ

"मी खोटं नाही हो बोलनार, आम्ही शेतकरी साधी माणसं आहोत, आम्ही सांगितलेला एकही शब्द खोटा नाही.. माझ्या लेकीच्या सुखासाठी हगवणेंनी मागितल्या प्रमाणे सगळं काही दिले".. असं म्हणत वैष्णवीच्या वडिलांनी आपली कैफियत मांडली.. आणि त्याची साक्ष देणारे हेच ते व्हिडिओ.. चांदीच्या गौऱ्या, वैष्णवीचा नवरा शशांकला अंगठी.. इतकंच काय तर याच कुटुंबात जिला व्हिलन म्हटलं गेलं त्या नणंद करिश्माचे देखील कस्पटे कुटुंबीयांनी लाड पुरवलेत.. वैष्णवी-शशांकच्या लग्नानंतरचे हे व्हिडिओ आता व्हायरल होत आहेत. याआधीही लग्नातले, हळदी समारंभातले आणि लग्नसोहळ्यातल्या थाटाचे व्हिडिओ सोशल मिडियावर प्रचंड व्हायरल झालेत.. तर आता कस्पटे कुटुंबीयांनी हगवणेंची किती खातिरदारी केली होती त्याचे पुरावे देणारे व्हिडिओ सुद्धा समोर आलेत..