राजकारणात आक्रमक... विरोधकांवर कडाडणारे... कोकणची बुलंद तोफ, शिवसेनेची मुलुख मैदानी तोफ म्हणून ओळखले जाणारे आमदार म्हणजे भास्कर जाधव... पण आज ते एका वेगळ्याच रूपात दिसले... एका संवेदनशील, मायाळू वडिलांच्या रूपात... गुहागर तालुक्यातल्या पांगारी गावातील सुप्रिया पाटील… गेली आठ वर्षं भास्कर जाधव यांच्या घरी घरकाम करत होती. स्वभावात प्रामाणिकपणा, कामात निष्ठा - आणि हळूहळू ती कुटुंबाचा एक अविभाज्य भाग झाली. आमदार जाधवांनी तिला स्वतःच्या लेकीसारखं मानलं… आणि जेव्हा तिचं लग्न ठरलं - तेव्हा फक्त कर्तव्य म्हणून नाही, तर एका वडिलासारखं त्यांनी सगळं काही केलं… लग्नाच्या दिवशी लेक सासरी जाताना रडली… आणि तिच्या डोळ्यांतलं पाणी पाहून… कोकणची तोफही गहिवरली… भास्कर जाधव यांनाही अश्रू अनावर झाले… भास्कर जाधव यांचा हा व्हिडिओ सध्या चर्चेचा विषय ठरला.
