मुलगा म्हणायचा आई नापास होणार, अंगणवाडी सेविका जिद्दीनं ५६ व्या वर्षी बारावी पास !

क्रांतीज्योती सावित्रीबाई फुले यांच्या जन्मगाव असलेल्या सातारा जिल्ह्यातील कुडाळ येथील अंगणवाडी सेविका बारावी पास झाल्या.कुडाळमधील अंगणवाडी सेविका व मदतनीस यांनी बारावी परीक्षेत पहिल्याच प्रयत्नात यश मिळवले आहे.घर, संसार मुलं सांभाळत बारावीची परीक्षा देऊन या अंगणवाडी सेविका बारावी पास झाल्या.शिक्षणाला वयाचे कोणतेही बंधन नसतं हे या सावित्रीच्या लेकींनी पुन्हा एकदा सिद्ध केले आहे.अंगणवाडी सेविका सुवर्णा पवार यांनी बारावीत 50.83% मिळवून यश संपादन केले आहे.जयश्री प्रकाश कांबळे 42.50%, तर मदतनीस सीमा संतोष कारळे 42.50% मिळून यशस्वीरित्या उत्तीर्ण झाल्या आहेत.