मी भाग्यवान, मला आर्मीतला नवरा मिळाला; लग्नाच्या दोनच दिवसांनी नवरा ऑपरेशन सिंदूरसाठी रवाना!

मी स्वत:ला भाग्यवान समजते की मला आर्मीतला नवरा मिळाला... पहिली देशसेवा… नंतर संसार! हे शब्द आहेत साताऱ्यातील एक नववधूचे... हातावरची मेहंदीही नीट उरतली नव्हती…, लग्नाच्या दोनच दिवसांनी साताऱ्यातील खटाव तालुक्यातील काळेवाडी गावातील प्रसाद काळे या जवानाला त्याच्या युनिटमधून एक कॉल आला… ऑपरेशन सिंदूरसाठी तात्काळ हजर व्हा! जिथे नवं आयुष्य सुरू व्हायचं होतं, तिथे देशसेवेची हाक आधी आली… न कोणत्याही क्षणाचा विचार न करता नववधूसह काळे कुटुंबियांनी लेकाला रोखलं नाही. या वीर पत्नीच्या शब्दांनी साताऱ्याच्या मातीचा स्वाभिमान पुन्हा एकदा उंचावलाय…