माझं पवार कुटुंबाशी कधी जमलं नाही, त्यांच्या पाया पडलो नाही; जयकुमार गोरेंचा रोहित पवारांवर पलटवार

शरद पवार गटाचे आमदार रोहित पवार सोमवारी साताऱ्यात आले होते.रोहित पवारांनी यावेळी पुन्हा एकदा मंत्री जयकुमार गोरेंवर निशाणा साधला होता.सत्तेचा फायदा घेत गोरे दहशतीचे राजकारण करत असल्याची टीका त्यांनी केलेली.रोहित पवारांच्या टीकेला जयकुमार गोरेंनी देखील प्रत्युत्तर दिले आहे.रोहित पवारांची राजकीय उंची छोटी आहे, असे म्हणत गोरेंनी पलटवार केला.कुणी खंडणी घेतली, कुणी प्लॅन केला हे तुमच्या आजोबांना विचारा असेही गोरे म्हणाले.