मराठमोळा बाहुबली खांद्यावर बाईक घेऊन चिखलातून वाट काढली, साताऱ्यातील तरुणाचा व्हिडिओ व्हायरल

गेल्या आठवडाभरापासून सातारा जिल्ह्यात मुसळधार पाऊस पडत आहे. सगळीकडे हाहाकार माजला आहे. माण तालुक्यात काल दिवसभर अतिवृष्टी सदृश्य पाऊस झाल्याने सर्व रस्ते, नदी, नाले, धरणे पुराच्या पाण्याने तुडुंब भरून वाहत आहेत. माण तालुक्यातील कुळकजाई येथील विनय घोरपडे या तरुणाने मोटरसायकल खांद्यावर घेऊन शेतातील चिखलातून वाट काढत प्रवास केला. हा प्रवास त्यांनी किमान अर्धा किलोमीटर केला. मोटरसायकल खांद्यावर घेऊन हा प्रवास करणे चिखलातून अशक्य गोष्ट आहे मात्र या तरुणाच्या ताकतीचा अंदाज पाहता त्याने हा चक्क चिखलातून प्रवास केला आहे.