Virat Kohli IPL 2025: 2025 च्या आयपीएलमध्ये विराट कोहलीला 21 कोटी रुपयांचा विक्रमी पगार मिळाला पण, त्याला यावरही मोठा कर भरावा लागेल. विराट कोहलीच्या कराची संपूर्ण गणना आणि कोहली कोणत्या मार्गांनी कर वाचवू शकतो जाणून घ्या.
1/6आयपीएल 2025 मध्ये विराट कोहलीचा पगार
विराट कोहलीला IPL 2025 मध्ये 21 कोटी रुपये पगार मिळाला, जो मागील वर्षाच्या तुलनेत 40 टक्के जास्त आहे. विशेष म्हणजे, विराट कोहलीला कधीही लिलावात उतरवले नाही आणि आरसीबीने नेहमी त्याला आपल्या टीममध्ये रिटेन केले.
2/6विराट कोहलीचा पगार 2008 पासून कसा वाढला
विराटला 2008 ते 10 पर्यंत आरसीबीने 12 लाख रुपये दिले. त्यानंतर 2011-13: 8.28 कोटी रुपये, 2014-2017: 12.5 कोटी रुपये, 2018-21: 17 कोटी रुपये, 2022-24: 15 कोटी रुपये आणि 2025: 21 कोटी रुपये दिले. एकूणच, कोहलीने आतापर्यंत IPL मधून 179.70 कोटी रुपये कमावले आहेत.
3/6विराट RCB मधील सर्वात महागडा खेळाडू
विराट कोहली RCB मधील सर्वात जास्त पगार घेणारा खेळाडू आहे तर, त्याच्यानंतर जोश हेझलवूडला 12.05 कोटी रुपये आणि भुवनेश्वर कुमारला सर्वाधिक 10.75 कोटी रुपये मिळाले.
4/6कोहलीच्या IPL पगारावर TAX कसा आकारला जाईल?
विराट कोहली RCN चा नियमित कर्मचारी नाही पण त्याला ‘कॉन्ट्रॅक्ट फी’ दिली जाते. म्हणून, त्याचे उत्पन्न ‘Income from Business or Profession’ मानले जाते आणि आयकर कायद्याच्या कलम 28 अंतर्गत करपात्र आहे.
5/6विराट कोहलीला किती कर भरावा लागेल?
मूळ कर: 21 कोटींवर 30% कर = 6.3 कोटी
अधिभार (सुपर रिच कर): 6.3 कोटींवर 25% = 1.575 कोटी
सेस: 6.3 कोटी + 1.575 कोटींवर 4% = 0.315 कोटी
एकूण कर देयता: 8.19 कोटी
अशा प्रकारे, विराट कोहलीला 21 कोटी पगारावर 8.19 कोटी कर भरावा लागेल त्यानंतर, त्याच्याकडे निव्वळ 12.81 कोटी शिल्लक राहतील.
6/6विराट कोहलीकडे टॅक्स वाचवण्याचे पर्याय
विराट कोहली कर वाचवू शकतो का, हा प्रश्न महत्त्वाचा आहे. याचे उत्तर होय आहे. विराटने त्याच्या Business संबंधित खर्च दाखवले - जसे की एजंट फी, फिटनेस ट्रेनिंग, प्रवास खर्च, ब्रँड व्यवस्थापन खर्च _ तर त्याला कलम 37(1) अंतर्गत Taxable उत्पन्नातून काही रक्कम वजा करता येते. पण ब्रँड जाहिराती आणि गुंतवणुकीतून मिळणाऱ्या उत्पन्नावर वेगळा कर लागतो.
