पेढा भरवताना मस्करी, उदयनराजेंची अतुल भोसलेंना 'हूल'

भाजपच्या सातारा जिल्हाध्यक्षपदी आमदार डॉ. अतुल भोसले यांची निवड करण्यात आली आहे. त्यानंतर सातारा जिल्ह्यात त्यांचे जंगी स्वागत करण्यात आले.

भाजपचे राज्यसभा खासदार छत्रपती उदयनराजे भोसले यांनी जलमंदिर येथे पेढा भरवून अतुल भोसलेंचे स्वागत केले.

अतुल भोसले यांना पेढा भरवताना खासदार उदयनराजे यांनी आपल्या लौकिकाप्रमाणे 'स्टाईल'मध्ये हूल दिली.

त्यावर अतुल भोसलेंसह उपस्थितांनाही हसू आवरलं नाही, आणि अतुल भोसले म्हणाले, 'मला वाटलं, मला पेढा भरवताय'

त्यानंतर उदयनराजे यांनी मस्करी थांबवली आणि अतुल भोसले यांना मायेने पेढा भरवला आणि त्यांचं कौतुक केलं

गेला महिनाभर भारतीय जनता पक्षात जिल्हाध्यक्ष निवडीबाबत तर्कवितर्क सुरु होते. सातारा जिल्हाध्यक्षपदासाठी मोठी रस्सीखेच सुरू होती.

अखेर कराड दक्षिणचे भाजप आमदार डॉ. अतुलबाबा भोसले यांच्या निवडीने सातारा जिल्ह्यातील सहकार क्षेत्रात भाजपची एंट्री झाल्याचे मानले जात आहे.

2014 आणि 2019 अशा सलग दोन विधानसभा निवडणुकीत पराभवाचा झटका बसल्यानंतर तिसऱ्यांदा राष्ट्रवादी काँग्रेसची साथ सोडत भाजपवासी झालेल्या डॉ. अतुल भोसले यांच्या नावापुढे आमदार हा शब्द लागला

छत्रपतींचे थेट वंशज उदयनराजे भोसले आणि शिवेंद्रसिंहराजे भोसलेंच्या सहकार्याने सातारा जिल्हा परिषदेत स्वबळावर भाजपचे कमळ फुलवण्याची जबाबदारी अतुल भोसलेंवर आली आहे

भाजप सातारा जिल्हाध्यक्षपदासाठी इच्छुक असलेल्या अनेकांनी या निवडीचं स्वागत करत आपल्या इच्छा आकांक्षाला मुरड घातल्याची चर्चा आहे.