Rohit Sharma Emotional : क्रिकेटच्या मैदानावर फटकेबाजी करत असणारा खेळाडू रोहित शर्मा हा 'हिटमॅन' म्हणून ख्यातनाम असला तरी तो मुळात माणूसच आहे. त्याच्यामध्ये संवेदना आहेत. तो संवदेनशील आहे. त्यामुळे सुद्धा तो चाहत्यांना भावतो. त्याच्या याच संवेदनशीलपणाचं दर्शन आज पुन्हा एकदा वानखेडे स्टेडियममध्ये बघायला मिळालं.
1/8मुंबईत वानखेडे स्टेडियममध्ये रोहित शर्मा स्टँडचं अनावरण
मुंबईत वानखेडे स्टेडियममध्ये आज हिटमॅन रोहित शर्मा याच्या नावाच्या स्टँडचं आज अनावरण झालं. या कार्यक्रमाला मुख्यमंत्री देवेंद्र फडणवीस, ज्येष्ठ नेते शरद पवार यांच्यासह अनेक दिग्गज उपस्थित होते.
2/8रोहित शर्मा भावूक
रोहित शर्मा यावेळी भावूक झालेला बघायला मिळाला. रोहितने यावेळी भाषण केलं. आपल्या भाषणात रोहितने सर्वांचे आभार मानत भावनांना वाट मोकळी करुन दिली.
3/8रोहितच्या कृतीने पुन्हा मनं जिंकली
या कार्यक्रमात रोहितने आणखी कौतुकास्पद काम केलं. तो आपल्या नावाच्या स्टँडचं अनावरण होत असताना आई-वडिलांना विसरला नाही. तो आई-वडिलांना घेऊन जाण्यासाठी मंचावरुन खाली उतरला. त्याने आई-वडिलांच्या हस्ते आपल्या नावाच्या स्टँडचं अनावरण केलं. यावेळी त्याची पत्नीही मंचावर होती.
4/8'लहानपणी माझं स्वप्न होतं की...'
"आज जे घडत आहे त्याबद्दल मी स्वप्नातही कधी विचार केला नव्हता. लहानपणी माझं स्वप्न होतं की, मी मुंबई आणि भारतासाठी खेळावं", अशी भावना रोहित शर्माने आपल्या भाषणात व्यक्त केली.
5/8'मी क्रिकेटच्या दोन फॉर्मेटमधून निवृत्ती घेतली असली तरी...'
"क्रिकेटच्या महान खेळाडूंमध्ये नाव येणं हे शब्दांमध्ये मांडता येणार नाही. हे यासाठी देखील खास आहे, कारण मी अजूनही खेळत आहे. मी क्रिकेटच्या दोन फॉर्मेटमधून निवृत्ती घेतली असली तरी आज मी एक फॉर्मेट खेळत आहे", असं रोहित म्हणाला.
6/8'21 तारखेचा सामना खास, कारण...'
"येत्या 21 तारखेला दिल्ली कॅपिटल्स विरुद्ध मुंबई इंडियन्सचा सामना माझ्यासाठी स्पेशल असेल. कारण या स्टेडियममध्ये माझ्या नावाचं एक स्टँड आहे", असंदेखील रोहित म्हणाला.
7/8रोहितने मानले मुख्यमंत्र्यांचे आणि शरद पवारांचे आभार
या कार्यक्रमात रोहितने मुख्यमंत्री देवेंद्र फडणवीस आणि शरद पवार यांचेदेखील आभार मानले. रोहितचं यावेळी सर्वांनी कौतुक केलं.
8/8अजित वाडेकर स्टँड आणि शरद पवार स्टँडचंदेखील अनावरण
या कार्यक्रमात मुंबई क्रिकेट असोसिएशनच्या ऑफिस लाउंजचे उद्घाटन झालं. तसेच रोहित शर्मा याच्यासोबतच अजित वाडेकर स्टँड, शरद पवार यांच्या नावाच्या स्टँडचंदेखील अनावरण झालं.
