आरसीबीचा कॅप्टन कोण होणार? विराट कोहलीसह दोन नावं चर्चेत, पाहा कोण?

रॉयल चॅलेंजर्स बंगळुरु अर्थात आरसीबी...आयपीएलमधील सर्वात लोकप्रिय संघापैकी एक...तसं पाहिलं, तर विजेतेपदाच्या बाबतीत हा संघ इतर संघांपेक्षा कमनशिबीच ठरला. २००९, २०११ आणि २०१६ या तीन सिझनमध्ये आरसीबीनं फायनल गाठली खरी, पण आयपीलची ट्रॉफी काही जिंकता आली नाही. खेळाडू बदलले, कॅप्टन बदलले, जर्सीचा रंगही बदलून पाहिला... पण आरसीबीचा आयपीएल ट्रॉफीचा दुष्काळ काही संपला नाही. विराट कोहली, फाफ ड्यू प्लेसिस, एबी डिव्हिलियर्ससारखे तगडे खेळाडू असूनही आयपीएल ट्रॉफीनं आरसीबीला कायमच दगा दिला. पण तरीही आरसीबीच्या रॉयल चाहत्यांनी संघाचा रॉयलनेस कधीच कमी होऊ दिला नाही.